ZALEN Jan 20, 2026: Mizoram Police te'n two wheeler ruk hmang Assam mi pali an man.

Two wheeler ruk kaihhnawih case January ni 18 a Bawngkawn PS a ziahluh kaihhnawih-ah nimin January ni 19 khan two wheeler ruk hmang nia puh Assam mi pali Karimganj leh Patharkandi, Assam mi te an man a, heng mite hi Zakaria Ahmed (19) s/o Abdul Salam, Saidur, Karimganj tuna Leitan a cheng nia insawi te, Noor Ahmed (19) s/o Anwar Hussain, Patharkandi tuna Durtlang a cheng nia insawi te, Babul Hussain (19) s/o Moin Uddin Patharkandi, tuna Leitan a khawsa nia insawi leh Junil Hussain (19) s/o Aftam Hussain, Karimganj tuna Leitan Ramthar a cheng nia insawite an ni.

Zuangtuia an two wheeler ruk man a nih hian two wheeler dang pahnih Yamaha R15 V4 (B/R No MZ0-01W-7907) leh Scooty Yamaha Ray ZR (B/R MZ 01 AD 0258) te ruk ngei nia rinhlelh te chu an hmu a, a neitute atangin heng two wheeler pahnihte pawh hi ni 18.1.2026 zana rukbo an ni tih hriat chhuah a ni a, a neitu ten FIR an submit atangin case pahnih ziahluh a ni bawk.

Heng Assam mite thu zawhfiahna kal zelah November 2025 leh January 2026 a two wheeler ruk case pathum a an inhnamhnawihna hriat chhuah a ni ta zel a, pahnih chu Yamaha R15 V3, Yamaha R15 M leh Yamaha R15 V4 rukbo case a ni. Heng miten an sawi danin twowheeler rukbo 3 te chu Silchar, Assam ah an hralh a ni.

Police te chuan heng mi palite hi police custody ah darkar 72 chhung an remand a, lirthei rukbo chungchanga an inhnamhnawihna chhui zui zel a ni.

#ZalenNews