Tyson Fury leh Derek Chisora te chu a vawi thum nan December 3 hian London-a Tottenham Hotspur Stadium-ah an inhmachhawn dawn.

Kum 34 mi Fury hian an inhmachhawn hmasa pahnihah hnehna a chang ve ve a, midum fighter lakah hian a vawi thum nan WBC heavyweight title humhim a tum dawn a ni.

British mi hian 2014 leh 2011 khan Derek Chisora hi lo bitum tawhin a hneh ve ve a ni. December thla khian Anthony Joshua beih tumin ruahmanna an siam zet tawh a, mahse inbiakna boxer pahnih inkarah engemaw in rem theih lohna a awm vangin an inbiakna a sukuk a, ruahmanna thar an siam ta zawk a ni.

World champion hian inhnek 32-ah hneh loh a la tawng lo a, a hmachhawn tur kum 38-a upa Chisora ​​hian a career tawp lam a hnaih tawh a, tun hnaia inhnek a hmachhawn hnuhnung paliah tum thum a zet tlawm a ni. 

Chisora ​​hian July thla khan Kubrat Pulev a hneh a,  Fury hian April thla khan Wembley Stadium-a Dillian Whyte a hnen ve bawk. 

Fury hian hnehna a chan hnuah a chawlh thu a puang thun a, mahse inlamletin nakkum khian heavyweight title zawng zawng lak tumin unified champion Oleksandr Usyk hmachhawn a duh thu a puang leh ta zawk a, boxing ngainatute tan chuan thu lawmawm tak a tling a ni.