Champions League atanga tla hlim Barcelona chuan Europa League play-off ah Manchester United an hmachhawn nghal dawn. Nyon, Switzerland-a House of European Football-ah UEFA Europa League knock-out round play off intum tur an pawh dan chuan kum thar February ni 16 leh February ni 23-ah an in hmachhawn ang.

Spanish club lian Barcelona leh 2017 Europa League champion hi 2009 leh 2011 khan Champions League lamah an lo inhmachhawn tawh a, 2018-19 European Cup quarter-final ah in hmachhawn tawh bawkin tum hnih an inkhelhah United hi an tlawm zawk ve ve a ni.

Group riata group winner theuh ten Round of 16 an lut tlang nghal a, runners-up zawng leh Champions League gropu stage a pathumna te anni hmachhawn thung ang. Tum hnih theuh inhmachhawnin a chak zawkin last 16 an lut ang. 
Europa League knock out stage khel tur hi team 24 an awm dawn a ni.

Europa League Round of 16-a inhmachhawn tur te ah hian ram khat club te an inhmachhawn thei dawn lo va, Play off round-ah hian first leg leh second leg khelh a ni ang. February thlaah an khel dawn a, Round of 16 hi March thlaah an khel leh ang. 

Europa League play-off round draw:

    Barcelona v Manchester United
    Juventus v Nantes
    Sporting Lisbon v Midtjylland
    Shakhtar Donetsk v Rennes
    Ajax v Union Berlin
    Bayer Leverkusen v Monaco
    Sevilla v PSV Eindhoven
    FC Salzburg v Roma