DOWNLOAD OUR APP

Read latest news on your phone
app-store
UCL champion tum team pahnih City leh Real zanin zanlaiah 
Apr 26, 2022

Europe-a club competition ngaihhlut ber Champions League semifinal first leg chu zanin zanlaiah Citizen leh Los Blancos ten Etihad Stadium-ah an khel dawn. An nipahnih hi English leh Spanish champion an nih avangin UCL final khel turin an tha tawk a, tuzawk nge tlang dawn tih erawh second leg khelh hunah a chiang chauh ang.

Uefa Champions League champion ngun ber Real Madrid hi tum 12 zet an champion tawh a, an UCL trophy 13-na tur an beisei mek a ni. Spanish heavyweight hi English palian Citizen ten chelh an tum dawn a ni. 

Tun hnai UCL-a an chet dan
English champion City hian Champions League a an home match khelh 5-ah tum 4 an chak a, tum khat an draw. Los Blancos pawh hi an chechhe bik hran lo. He competition-a an game 5-ah tum 4 chakin tum khat an draw ve tho. 

Eng formation nge an hman ang?
City leh Real te hi 4-3-3 formation hmang thiam an ni a, zanin pawh hian an formation hi an thlak danglam em emin a rinawm loh. City boss Guardiola hian defence lamah Ake, Laporte leh Dias te a rem leh maithei a, ball sem turin Gundogan, Rodri leh De Bruyne te a chhawr ngei a rinawm bawk a, hmatawng lamah Sterling, Foden leh Mahrez te a rawn dah hmasa maithei bawk. Real coach Ancelotti hian defence lamah Carvajal, Militao, Alaba leh Mendy te a tlarin a rinawm a, midfield-ah Modric, Casemiro leh Kroos te chhawrin tlar hma lamah Valverde, Benzema leh Vinicius Junior te a dah a rinawm.

Team pahnih chanchin thar
Mual neitu lam hian match khat atana hrem mek Joao Cancelo an chhawr thei dawn lo a, Pep Guardiola chuan Kyle Walker leh John Stones te fitness thlir chungin a duh zawk a thlang thei ang. Carlo Ancelotti hian inhliam dam hlim Luka Jovic, Mariano Diaz leh Eden Hazard te a chhawr theih a rinawm a, Osasuna nena an inhmachhawn tuma inhliam David Alaba pawh a dam tawh hle a, a khelh theih dawn leh dawn loh a chiang rih lo.

Tun season kallai meka khawvel club tha ber pahnih mahni ram league a champion tura beisei ve ve Manchester City leh Real Madrid inkhel tur hi first leg mah nise a nep dawn lo tih a chiang.

MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh