Kumin UCL season-ah semi-final match ropui kan hmu a, beisei phak bakin Real Madrid rawn comeback-in semi-final-ah Manchester City an hneh let a nih kha. Los Blancos hian semi-final a an thil tih ropui tak ang deuh bawkin an match hmasa lamah Paris Saint-Germain leh Chelsea te lakah an che tawh a ni. 

Kha semi-final-ah khan Manchester City lakah Real Madrid chu hun pangai a zawh dawn tep thlengin aggregate-ah goal hnih zetin an hniam zawk a. Mahse, Real lam hian extra time khel turin minute hnih lek a awm tawh tihin goal an thun a, Karim Benzema chuan extra time-ah penalty hmangin a draw-na goal a thun a, Cityzen te rilru ti tuiral turin an hneh let. Match pahnih dang te chu:

CHELSEA vs BARCELONA, 2009 CHAMPIONS LEAGUE SEMI-FINAL

He game hi Champions League history-a sawi zui hlawh ber pakhat a ni. 2009 Champions League semi-final, Chelsea leh Barcelona match hi fans lam chuan an theihnghilh ngai tawh lovang. 

Chelsea chuan minute 9-na lekah Michael Essien hmangin hma an hruai a, Chelsea chuan Champions League final khel tura hun tha leh zual tawngin Barcelona defender Eric Abidal chu minute 66-ah hnawhchhuah a ni. Mahse, final luh tuma khel Barca lam erawh an hnual mai lo. Minute 93-naah Andres Iniesta chuan inhnehtawkna goal thunin Barca chu away goal hmangin final an lut.

2011-12 kum khan Chelsea chuan phuba lain semi-final-ah Barcelona an hneh let ve leh a, final lutin an Champions League nomawi an chawi zui. 

REAL MADRID vs ATLETICO MADRID, 2016 CHAMPIONS LEAGUE FINAL

Kum 2014 Champions League-a Real Madrid laka an tlawmna phuba lak ngei tumin 2016 hian Atletico Madrid hi an thawk chhuak a, mahse an inrin hmain an hmachhawn an hmelma Real Madrid chuan minute 15-na lekah Sergio Ramos-a goal hmangin hma an hruai zawk ta der mai. Phuba lak ngei tum Atletico Madrid lamin theih tawpa bei letin, Yannick Carrasco chuan minute 79-naah an siphurh a sut. Fans lam pawh an phur tha a, an chak ta emaw tih hial turin an phusa.  

Hun reilote hnuah hun tawp whistle a ri a, team pahnih te an inhnehtawk. Atletico fans te chuan kum 2014 final-a Real lamin extra time-ah goal thum zet an thun ang kha a thlen nawn an hlau hle a. Mahse, Atletico Madrid lam hlauhthawn angin Real an che hleithei bik lo. Goal luh belh lovin extra time an khel zo leh ta, beiseina sang tak nen Atletico chuan hneh ngei tumin penalty an pet ta a. Mahse, an hlauhthawn ruk ang ngeiin thil a thleng, kum thum chhunga a tum hnih nan penalty-ah Real bawk an chak leh. Atletico Madrid lamin UCL final luh an beiseina chu a thamral leh ta a ni.