Aizawl: UD&PA  Minister Zodintluanga chuan Zirtawpni khan Falkland vengah Ministry of Housing and Urban Affairs (MoHUA) hnuaia Rajiv Awas Yojan (RAY) hmalakna kaltlanga chenna in sak a hawng a. chenna in sak te hi building lian 5 leh building te chhawng khat chi 5 niin a chhungah  chhungkaw 74  awm theihna tur  a ni. RAY Pilot Project hawnna huna khuallian, UD&PA Minister Zodintluanga chuan, “Khawpui chhung tih hmasawnna leh khawpui chei bawl nan Urban Development hnuaiah hmuh theihin Aizawl khawpuiah leh Census Notified Town-ah te hna  pawimawh leh vantlang tana tangkai tak takte thawh a ni a. Hetih lai hian mipuiin an hriat lar loh zawk Poverty Alleviation atangin Urban Development hnuaia hmalakna aia tam zawk mah thawh tawh leh thawh mek zel a. UD&PA hnuaia sawrkar hmalakna atangin mi harsa zawkten an mahni puala an in tur hmun tam takah an neih phah a, chhungkaw harsa  tak tak tam tak tan lawmna leh hmasawnna thlentu a ni mek a ni,” a ti. RAY Pilot Project, Falkland Venga mi sak nan hian RAY hmalakna hnuai atangin Rs  6.22 Crore hman a ni a. Building lian zawk, Multi Rental DU Block pakhat zel thuthmun hi sq.ft. 1665 a zau a ni a, chhungkaw pakhat chenna/ DU hi  sq.ft. 340 zela zau a ni.