UEFA Champions League hi football club te inelna competition-ah chuan ngaih hlut leh dah san ber niin sum a tam ber bawk. Hei vang hian kei ka ni inti chin player chuan khelh ngei an duh thin.  

UEFA Champions League hnuaiah hian Europa League leh UEFA Conference League te a awm a, heng competition te hi Europe-a league hrang hrang a club ten an chetthat dan in dawtin an khel thin.

UEFA Champions League hi team 32-in an khel thin a, tournament-ah hian stage hnih awmin group stage leh knockout phase te a awmin group stage bikah hian Messi-a'n goal a khung hnem ber a ni. 

He tournament bikah hian Real Madrid an champion tam ber tawh a, AC Milan leh Bayern Munich ten an dawt. 2022-23 UEFA Champions League season chu thla thar Septemberhian group stage khelh tan a ni ang. 
    UEFA Champions League group stage bika goal thum tam zual player pali te chu:
Karim Benzema leh Lewandowski
Real Madrid forward Karim Benzema leh Bayern Munich leh Borussia Dortmund player hlui Lewandowski te hian goal 56 ve ve thun tawhin UEFA Champions League group stage goal thun tam pathumna an hauh.

UEFA player of the year a tana thlan thar Benzema hi tunah khawvel-a footballer tha ber pawl a ni mek a, chutiang bawkin Real hmelma hlun Barcelona lama lut ta Lewandowski pawh hi khawvel striker hlauhawm ber pakhat a ni ve mek bawk. 

Benzama hian Champions League-ah goal 85 a thun tawh a, chung zinga goal hnih chiah chu penalty atanga a thun a ni. Lewandowski thung hian goal 85 a thun atanga goal 16 te hi penalty hmanga a thun an ni thung. 

Cristiano Ronaldo
Portuguese legend Cristiano Ronaldo hi mi tam tak chuan khawvel footballer piang tawha ropui berah an ngai. A goal khung tawh leh a mimal chawimawina dawn zo-zai hi khum a har tawh hle ang le. 

Ronaldo hi UEFA Champions League-ah tum 5 a champion tawh a, he competition bika player hlawhtling ber pakhat niin he competition chanchina goal thun tam ber a ni a, goal 150 a thun tawh a ni. Group stage bikah hian Messi-a hnuai chiahah awmin goal 73 a thun tawh.

Lionel Messi
    Argentine veteran hmatawng Lionel Messi hi player zinga UEFA Champions League group stage-a goal thun tam ber a ni. Messi hian group stage bikah goal 76 a thun tling a, a elpui Ronaldo aiin goal thumin a tam zawk. 

Argentine captain hian he competition trophy hi tum 4 a chawi tawh a, Messi hian Champions League match a khelh tawh zawng zawng-ah goal 125 a thun tling tawh a ni.