Manchester City star Kevin de Bruyne leh Real Madrid duo Karim Benzema leh Thibaut Courtois te pathum chu mipa Uefa Player of the Year award dawng thei turin an chhawp chhuak. 

Uefa Player of the Year award hi August ni 25-ah sem chhuah a ni ang. 

Goalkeeper Courtois leh Benzema te hian Champions League an chawi a, Benzama phei hi chu 2021-22 Uefa Champions League Player of the Season a tana thlan a ni. Courtois pawh hi Champions League final zan khan Player of the Match-ah thlan a ni bawk. 

Midfielder De Bruyne hian 2021-22 Premier League trophy a chawi bakah Player of the Season a tana thlan a ni.

Top three nominee te hi player 15 an chhawp chhuah atanga thlit-fim leh tawh an ni a, chhawp chhuah hmasak zingah hian player tha tak tak an awm nual a, chung zingah chuan Paris St-Germain player Kylian Mbappe leh Roma's Lorenzo Pellegrini te, Bayern Munich player atangin Sadio Mane te, Liverpool player atangin Virgil van Dijk, Mohamed Salah, Trent Alexander-Arnold leh Fabinho te an tel.

Uefa hian Manager of the Year award shortlist an tar chhuak bawk a, chung mite chu; Real Madrid coach Carlo Ancelotti, City boss Pep Guardiola leh Liverpool manager Jurgen Klopp te an ni. 

Lawmman dawng tur te hi Champions League group-stage draw ceremony Istanbul-a an neih hunah an puang ang.