UFC 268-ah Usman vs Covington 2
![](/storage/news/post/ufc-268-ah-usman-vs-covington-2-1636225147.png)
Tukin zing dar 7:30 hian Madison Square Garden-ah UFC 268 kan hmu dawn a, he hunah hian UFC fighter tha pahnih Kamaru Usman leh Colby Covington te a vawi hnih nan an inhmachhawn dawn a ni.
ESPN-in MMA fighter welterweight zinga pound-for-pound ranking an siamah Usman hi No. 1 hauh mektu a ni a, a khingpui tur Covington hi number 3 a ni thung. December 2019 khan UFC 245-ah Usman hian Covington hi TKO-in round nganaah alo hneh tawh a ni. Hemi tuma an insual hi UFC title fight zinga hmuhnawm ber pakhat nia sawi a ni nghe nghe.
Usman hian fight tum 19 a neih tawhah tum khat chiah a la tawng a, tunah hian fight tum 14 zet chak loh nei lovin a kal tluang mek a ni. UFC history-ah chak loh nei lova kal tluang rei ber pahnihna a hauh mek bawk.
Kum 34 mi Nigerian hian April thla khan UFC 261-ah Jorge Masvidal chu round hnihna lekah a knockout a, hemi tum hi a kawnghren tum li a zawna a humhimna niin MMA history-a welterweight fighter tha bera chhal mek a ni.
Covington thung hi fight tum 16 a neih tawhah tum hnih a tlawm a, a insual hnuhnung pakaw zinga pariatah chakna ala chang vek bawk a ni. A hneh loh awmchhun hi tukina a hmachhawn tur Usman hi a ni nghe nghe a, tukin hian phuba la thei tak maw. Kum 33 mi California chhuak hian, a insual hnuhnung ber nikum September thla khan champion hlui Tyron Woodley chu round nganaah TKO hmangin a hneh a, chuvangin interim UFC welterweight champion hlui Covington hi palzam mai thei chu a ni bik lovang.
Co-main event lamah hian hmeichhe insual kan hmu dawn thung a, Rose Namajunas-i chuan champion hlui Zhang Weili lakah a UFC women's strawweight title hum a tum dawn a ni. Anni pahnih pawh hi UFC 261-ah lo inhmachhawn tawhin round khatna lekah Namajuna hi alo chak zawk tawh a, tukin hian phuba lak ngei tumin a rawn thawk chhuak dawn a, a hmuhnawm hlein a rinawm.
Anni bakah hian interim champion hlui Justin Gaethje chuan Bellator tum thum zet champion tawh Michael Chandler a hmachhawn bawk dawn a, KO power nei ve ve, UFC lightweight title chuh tur zawnna hi main event tluk zeta hmuhnawm tur bawk a ni.
Latest News & Chhiar Hlawh
-
1m | Sep 07, 2024
-
2m | Sep 07, 2024
-
1m | Sep 07, 2024
-
1m | Sep 07, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
3m | Sep 06, 2024
-
1m | Sep 06, 2024
-
1m | Sep 06, 2024
-
2m | Sep 06, 2024
-
1m | Sep 06, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 05, 2024
-
2m | Sep 05, 2024
-
1m | Sep 05, 2024
-
1m | Sep 05, 2024
-
1m | Sep 04, 2024