UFC heavyweight champion Francis Ngannou chuan heavyweight champion Tyson Fury chu nakum lamah boxing leh mixed martial art hman kawp theih a insual pui a cho riap mai. Francis Ngannou chuan a insualpui leh hmasak ber tur chu British boxer a nih thu a sawi bakah a chona chuan hlawhtlin theihna chance 70% a neih thu a sawi bawk. 

WBC heavyweight champion Fury pawh hian Francis Ngannou-a nena an pahnih inkar chu ring lama chinfel a duh thu alo sawi ve tawh bawk. 

Francis Ngannou chuan,“Kan pahnih hian insual ngei kan duh tih a chiang tawh a, tin kan pahnih hian ka inzah tawn em em bawk a ni," a ti. “Nakum hian kan kan insual theih ngei ka beisei, kan promotion te kutah a innghat," a ti. 

January thla khan Ngannou hian a title kawl mek chu Cyril Gane-a lakah a hum a, an insual dan kalphung tur chu boxing leh mixed martial art (MMA) chawhpawlh a nih tur thu a sawi bawk. Briton Fury hian Pathianni liamta khan Dillian Whyte lakah a WBC heavyweight title a hum ve bawk.

“Tyson Fury nena kan inhnek tur chungchang hi 70% chuan a chiang tawh a, keima lamah chuan 90%-in a chiang tawh thung a ni," a ti.