UFC Vegas 38-ah Santos laka dinchan tum Walker

Admin - Oct 03, 2021

Insual pui te an knockout fo avangin an fimkhur tawn a ngai dawn hle

Tukin zing kar hian UFC Vegas 38-ah insual hmuhnawm tak en theih a ni leh dawn a, main event-ah light heavyweight huang a mi  fighter tha  pahnih Thiago Santos leh Johnny Walker-te an insual ang. 

Kum 37 mi Thiago Santos hian kum 2010 atang khan UCFC hi lo luh chilh tawhin fighter 30 a hmachhawn tawhah mi 21 a hneh tawh a, knockout hmangin mi 15 a hneh tawh bawk. Muay Thai leh Brazilian Jiu-Jitsu black belt Santos hi Brazilian niin tunah light heavyweight ranking number 5 a ni mek.  Anni pahnih hi an palianin an hnek na hle a, an insual pui te an knockout fo avangin an fimkhur tawn a ngai dawn hle a ni. 

Johnny Walker hi a palian hle a, feet 6 leh inches 6 zeta sang niin kum 8 zetin Santos ai hian a naupang zawk bawk. UFC hi kum 2013 khan luhchilh vein fighter 23 a tum zinga 18 a hneh tawh a, mi pathum tih loh chu knockout hmang veka a hneh thei  fighter hnek na tak a ni. 

Jon Jones-a heavyweight huanga a insawn chhoh hma 2019 khan Thiago Santos hian khatih laia light heavyweight huang  champion Jon Jones nen title fight hmuhnawm tak an nei a, vanduaithlak takin split decision-in a chak lo. Belt inchuhin Glover Texeira nen an insual a, a chak loh hnuah ranking no. 4 Alexander Rakic lakah kum March thla khan a tlawm leh. A hun tawp lamah  Santos-a tan chuan Walker a tum thei hi a vannei hle a, a risk huaina leh a tha chakna hmangin a hneh mai thei tura ngaih a ni. 

Vawi 4 chaklo zawn tawh Santos hi a chak lo leh a nih chuan UFC a chawlhsan mai a rinawm tawh a, mahse tun tuma a tum tur ai hi chuan ding chung leh chhuatah pawh a chungnung zawk tura ngaih a ni. 

Co-main event pawh hi a nep lo hle tura ngaih a ni a, middleweight huangah inbuan aia inhnek thiam Kevin Holland leh Kyle Daukaus an intum dawn. Holland hi a fight hnuhnung pahnihah a tlawm ve ve vangin Daukaus hian a zuam hle tura ngaih a ni. Anni bakah hian welterweight huangah Alex Oliveira leh Niko Price te an innuai dawn a, middle weight leh lightweight huanga insual tur dang pawh hian mit a ti tlai ngeiin a rinawm. 

FIGHT CARD
Light Heavyweight    
Thiago Santos    vs.    Johnny Walker                
Middleweight
Kevin Holland    vs.    Kyle Daukaus                
Welterweight    
Alex Oliveira    vs.    Niko Price                
Middleweight    
Misha Cirkunov    vs.    Krzysztof Jotko                
Lightweight    
Alexander Hernandez    vs.    Mike Breeden

Share now