October 4, 2023; Mizoram khaw dang leh khawpui dangte chu sawi loh, Smart City tia kan sawi lar Aizawl a cheng mipuite phunna langsar tak pakhat chu 'Khawlai a ui ek' chungchang hi a la ni.

Khaw lai leh mi kawtkai a ui ek hmuh tur awm thin chungchangah hian, khawtlang/veng khat roreltute chuan an veng/khua ah te hmala in, tlangau leh thuziak hmangte in ui vulhtute fimkhur turin an ngen fo a, a neitu kaih lo leh tello a ui chhuak man a, pawisa chawitir thlengin hmalakna an kalpui thin.

A bikin Aizawl ah chuan, mahni ranvulhte avanga khawlai ti bawlhhlawhtu chu Aizawl Municipal Corporation (AMC) in dan a siam angin, Rs. 2,000 leh Rs. 5,000 thleng a chawitir theih an ni.

Duat leh uluk taka ui vulh leh mumal taka enkawl mi tam tak an awm laiin, ui vulh ve si a, ngaihsak tawklo te avangin veng tam takah mipui phunna a ti tam a, thenawm khawveng inhmuhthiam lohna thlen fotu a ni bawk. Hengte bakah hian faina kawng a hnufumna lantirtu langsar tak pakhat a nih bawk avangin, hemi kawngah hian hmasawnna tur kan la ngah hle.