British tlangval Ed Sheeran chu tehna hrang hrangah kum 2021 chhunga UK-a artist lar ber a ni a, he dinhmun hi kum nga chhuga tum li a luahna a ni nghal bawk. A hla hit 'Bad Habits' chu hla ngaihthlak hlawh ber a ni bawk a, "Song Of The Year' atan thlan a ni. A hnuaiah hian David Guetta leh Dua Lipa te a awm.

Hei hi tehna hrang hrang - radio, TV, pub, club leh dawra mipuiin an hla an ngaihthlak nasat dan atanga teh niin, Ed Sheeran hnuaiah hian David Guetta leh Dua Lipa te a awm a ni. Kum 31 mi Ed Sheeran hian 2017 khan 'Shape Of You' hmangin ber nihna hi a hauh tan a, khum thei an awm meuh lo. 

Artist zingah top 10-ah hian - Little Mix, Coldplay, The Weeknd, Justin Bieber, Calvin Harris, Taylor Swift leh Pink te an lang bawk. Hla lamah chuan - Bad Habits (Ed Sheeran) a hit ber a, By Your Side (Calvin Harris ft Tom Grennan), Little Bit of Love (Tom Grennan), Blinding Lights (The Weeknd) leh Higher Power (Coldplay) te chu top 5-ah an lang.