DOWNLOAD OUR APP

Read latest news on your phone
app-store

UK-a ni sa lutuk vangin Premier League-ah tui in chawlh nei leh dawn

Aug 11, 2022

Inkhelh laklawh laia tui in chawlh neih hi 2020 khan a vawi khat nan FA lamin an siam tan a, UK-ah khaw lum a zual vangin tun kar tawp a khelh tur Premier League-ah tui in chawlh an hmang leh dawn.

Inkhelh laklawh laia tui in chawlh neih hi 2020 khan a vawi khat nan FA lamin an siam tan a, UK-ah khaw lum a zual vangin tun kar tawp a khelh tur Premier League-ah tui in chawlh an hmang leh dawn. 

Met Office sawi danin southern England leh central England bakah Wales velah khaw lum a zual dawn niin an sawi a, temperature hian 37C (99F) te a thleng phak dawn an ti. 

English Football League pawhin ruahmanna an lo siam tawh zuiin temperature 30C leh a chung lam a phelh chuan tui in chawl nei thin tur tih chu tunkar tawp Premier League-ah an kalpui leh dawn a ni. Water break hi Covid-19 len lai khan a vawi khat nan Football Association chuan 2019-20 season khan a kalpui tan a ni. 

Tun kar chhungah pawh UK hmu thenkhatah chuan temperature hian 30C a kai der tawh a ni. Break hi Premier League match Pathianni a inkhel tur West Ham leh Manchester City ah hman a ni ang a, tun kar tira Coventry leh Bristol City ten Carabao Cup first round an khelh tum pawh khan water break hi hman a lo ni tawh.

Share now