British Prime Minister Boris Johnson chuan India rama a dinhmun ang chelh Narendra Modi nen nikum favanga laia an inkawm hnuah Delhi-ah inbiakna an nei. Johnson chuan India hian post-Brexit trade a inremna an neih hnu khan nasa taka UK nena insumdawn tawnna neih a duh niin a sawi. 

Indian lama a dinhmun ang chelh Narendra Modi nena an inpiak hnu hian British Prime Minister chuan inremna hi October-ah chuan an puitlin hmana a beisei thu a sawi. Kar leh hian inbiakna nei leh tur an ni a, "He inremna hian UK-India trade chuan bungthar a kai ang," a ti.

Johnson hian hian a duh chin leh inremna neih a duhdan chu thuphungin a sawi tawh a, chutihrualin inremna tluantling erawh an la ziak lo. Mithiamte chuan India nena inremna tluantling hi ziah a nih chuan bung thar a kai ngei an ring a, chutihrualin inbiakna tir lam anih avangin sawi theih a la ni lo thung. Johnson chuan a khawi lam ve ve tan pawh zawhna harsa tak tak a tam tur thu a sawi ve bawk.

India khawpuia ram hruaitute inbiakna hi Johnson-a ni hnih chamna ni-ah neih a ni a, Covid vangin a rawn zin hun hi rei tak pawh khaw tlai a ni. Meeting an neih zawh hnuah Johnson chuan India chu Asia ram zinga rin phak baka hmasawnna nei a ni a ti a, anni nena insumdawn tawnna neih chu thil chakawm tak a ni, a ti.

He inremnaah hi hian India chuan UK-a Indian tana luh awlsam theih dan awm se a tih ngei a rinawm a. Johnson chuan Indian te thiamna chuan IT angah te a puih ngei a beisei thu a sawi. "Ka at duh bik ring suh u, UK-a rawn lut tur talent leh skill nei tha te dan hi ka duh hauh lo ang. Ka sawi duh erawh chu kan thunun theih tur erawh an nih a ngai," a ti.

Britain hian India hnena thil a hralhchhuah ngaihtuah aiin a lei hi a tam zawk hle. Nikum khan UK hian £4.7bn man hu bungrua an hralh a, chutihrualin India atangin £8.4bn man hu an lalut thung. UK-a Indian hnathawk zat leh India rama British mi hnathawk nena chhut tel ni phei se chu India lakluh hi a sang hle ngei ang.

UK hian India atana a lakluh langsang zual te thu, thuamhnaw, damdawi, fabrics, industry machinery leh electrical goods te an ni a, thir lam leh power generator te a India hian a chaw lut ve thung. 

Meeting neih leh hma hian Downing Stree lam chuan thuchhuah neiin UK chuan India-ah hian military hardware lam a thawnluh theih nan a licensing rules pawh khawih danglam a hnial dawn lo niin a tarlang a. UK chuan India chu fighter jets siam kawnga puih a hnial dawn lo a, hei hi Russia atanga indona bungrua a lakluh tih tlem sak a duh vang a ni. 

Tun thla tir lama Ukraine khaw pakhat Bucha-a inthahna kha India chuan a dem tih a sawi a, mahse, Russia hi na tak chuan a dem lem lo a, Russia in a thenawm a run hi a hranpa tak chuan a sawisel lem lo dawn. Johnson chuan, BUcha a inthahna kha india chuan na takin a dem a ni, a ti a, chutihrualin India leh Russia inlaichinna rei tak an lo neih tawh avangin an dinhmun hi kan hriatthiampuiin kan zah hle a ni, a ti bawk.

Johnson hian a sawi dan chuan Modi pawh hian Vladimir Putin hi inbiakna neihpui a tum fo nia sawiin, a thil tih chhan hi zawh a duh a ni, a ti. "Indian te thil duh chu remna a ni, Russia hi anmahni atanga chhuah tir an duh," a ti bawk.