United Nations (UN) palaite chuan a vawi khat nan Ukraine-a Zaporizhzhia nuclear plant chu an endik a, an report kimchang erawh puanzar a ni lo. UN palaite hi Russia kaihhruaina hnuiah an kal a, hei hi ram thenkhat chuan tha lo an tih thu an sawi chhuak a ni.   

Zaporizhzhia power plant hi Southern Ukraine-a awm a ni a, Russia-in a thunun mek thung. UN nuclear expert ten an tlawh pawh hian Russia palaiten an lo dawng sawng a ni. Ukraine President Volodymyr Zelensky chuan UN palaite hian thu dik tak an hriat chhuah ngei a duh thu a sawi.  

Zaporizhzhia nuclear plant hi Russia thuhnuiah awm tawh mah se Ukraine mi leh sa ten an la enkawl a, Russia sipai ten an veng reng a ni. UN palai zinga mi International Atomic Energy Agency (IAEA) member te chuan a enkawltu Ukraine mi leh sate pawh hi an kawm dawn a ni. 

Ukraine leh Russia te hi Zaporizhzhia leh a velah hian an inbei fo a, ram pahnihte hi mawhphurtuah an inpuh ve ve a ni. Nuclear zunzam a putruk hlauhna avangin UN chuan he lai hmun enfiah tur hian a tir ta a ni.