24th Winter Olympic Games Beijing-a neih mekah Ukrainian athlete Vladyslav Heraskevych chuan indo a duh loh zia lantir nan men's skeleton an neih laiin khawvel hmuh turin thu ziak tawi 'No War' tih a keng lang. 
   

Tunlai hian Ukraine leh Russia sipai te ramri lamah indo mai theiin n in ep mek a, Ukraine run turin Russia lam chuan ramri-ah siapi 100,000 lai an chhawp mek a ni. 

Vladyslav Heraskevych chuan,"Ka ram leh khawvel hi ralmuanna taka a awm ka duh a ni. Indona hi tumahin an duh lo, khawvel ralmuanna turin theitawp ka chhuah zel ang. Kan ram Ukraine chu tunah hian a ralmuanglo hle a, silai leh ralthuam te chu titi ber a ni mek a, kum zabi 21-a thil thleng atan chuan a pamhai lam a ni,"

International Olympic Committee danah chuan Olympic games neih lai hian politics rawngkai sawi emaw thu ziak tarlan phal a lo. Mahse Heraskevych chuan a thil tih  avang hian thuneitu lamin an hrem a rin loh thu a sawi thung. "Olympics pawh hian ram hrang hrang inpawh leh ralmung taka kan awm theih nan a beiin ka hria, chuvangin he thilah hi chuan Olympics pawh hi ka lamah a tan ngei ka beisei. Tumahin indo kan duh si lova," a ti.