Tun hnaiah Assam-ah hian thalai zingah an hna leh chhungkua kalsana ULFA-I zawm an pung hle a, kuminah pawh mi 234 chuan an zawm tawh.

Police leh intelligence officer-te chuan an pawl hi dawrin inremna siampui an tum hle a, inbiakna thui tak an kalpui tawh a. Ei zawnna mumal nei lo mangang, an pawla lutte chu inremna an siam chuan chhawmdawl pawh an tiam.

An pawla mi an tihhlum hi kum 1990 chho velah kha chuan a thleng fo niin police chuan an sawi a, tun hnaiah erawh a khât hle.

May, 2021 khan inkahhai puan a ni a, tun thlengin an la kalpui.

Aizawl ; Dan pawna awm mek, United Liberation Front of Asom-Independent (ULFA-I) chuan Assam mi, an pawla tel thar pahnih chu state police tana thawk an ni tih an hriat chhuah avangin Inrinni khan an tihlum tih an sawi a, an chet dan hian inremna tura sorkar nena an inbiakna pawh a tihbuai rin a ni.

Social media-a thuchhuah an siamah hel pawl hian thalai pahnih, Dhanjit Das (Barpeta) leh Sanjib Sarma (Baihata Chairali) te chu May 4 leh 5 khan an pawl judicial council-in enthlatu an nih avangin ‘thi turin a hrem’ tih an tar lang.

“An thiltih hi ngaihdam theih loh a ni a, judicial council chuan May 7-a tihhlum turin a rel a ni,” tiin an pawla brigadier-a inchhal, A.Z. Shironam Asom chuan thuchhuahah a tar lang.

Dhanjit Das-a hian tun hnaiah an pawl hi zawmin April 24 khan camp atangin a tlanbo va, ULFA-I chuan a tukah an man a. Thu an zawh fiahnaah an pawl zawm thar eng emaw zat chu inpe turin a lo hmin hman tih a sawi.

Sanjib Sarma pawh hian police officer-te rawn angin ULFA-I hi a zawm a, police hnenah tun lai thiamna hmanga an chanchin hrilhin pawisa pawh a hlawh a ni.

Assam police hotu liante chuan ULFA-I pawlin enthlak hna thawktute an tihlum nia an insawi chungchang hi engmah an sawi duh lo.

Das-a nupui, Suman chuan, “March 22 khan engmah sawi lovin in a chhuahsan a, thuthar kan hriat hi thu dik a nih loh hram ka beisei a, ULFA-I hian ngaidamin a lo haw leh ka beisei,” tiin thuthar lakhawmtute a hrilh a. Barpeta-a cheng Das-a hi kum 30 chuang awrh niin thawmhnaw dawra thawk a ni.