Aizawl: Zo hnahthlakte rorelna pakhat hnuaia an awm theihna tur ‘independence’ chungchang chu July 23-27, 2018 inkar chhung hian UN khawmpui Geneva a neih ah sawiho a ni dawn niin K.Hawla Sailo chuan a sawi. Nimin khan Aizawl Press Club-ah chanchinbumite kawmin K.Hawla Sailo chuan UN-a vawi eng emaw zat an ngenna chu tihhlawhtlin niin UN-a hnam tlem zawkte chungchang ngaihtuahtu bik mi thiam, Joshua Cooper chuan tunhnai khan email rawn thawnin an ngenna chu karleh lamah ngaihtuah a ni dawn tih a rawn hrilh niin a sawi a. Hei hi Zofate tan chuan bung thar pawimawh tak niin a sawi bawk.