Aizawl; Mizoram a cham mek UN mithiamte chuan Zirtawpni khan Thiak khuaa mimal serthlum huan leh Nisapui an tlawh. Thiak-a Horticulture department enkawl, Centre of Excellence ah kuthnathawktute leh khawtlang hruaitute nen an inkawm a, he Centre an chhawr tangkai dan te zawtin horticulture eizawnna atanga mimal leh a khua in hlawkna an tel dan te, harsatna an tawh te, eizawnna a hmeichhiate dinhmun leh an dehchhuah hralh na te chichiar zawkin an sawipui a. Nisapui ah hian Bamboo Cultivators Society te mau chinna hmun an en bakah kuthnathawktute leh khawtlang hruaitute nen Nisapui Community hall-ah an inkawm bawk. Thingtlang khua an fanna ah te hian NLUP Implementing Board leh sorkar department official ten tawiawma, heng an inkawmna a an thil hmuh leh hriat atang te hian UN Agency hrang hrang te hian UN Joint Initiative Project atana scheme kalpui turte a enkawltu sorkar department ten en an duang nghal dawn a ni. UN Team te hian tunkar chho hian Myanmar atanga vawk lakluh dinhmun en turin Champhai tlawh leh an tum bawk a ni.