American actress Angelina Jolie chu UN refugee ambassador a nihna atangin a bang. United Nations High Commissioner for Refugees (UNHCR) hnuiah hian kum 20 chuang zet chu a lo thawk tawh a, a chawl ve dawn ta a ni. 

Kum 47 mi Angelina Jolie hi UN ambassador langsar tak zinga mi a ni a, hna pawh a thawk hnem hman hle. Khawvel hmun hrang hrangah refugee te a tlawh kual a, a tan nasa takin a thawk thin. UNHCR pawhin a hnathawh hi an chhuang hle a, refugee te tana hna thawk tha ber zinga mi a nih thu hmangin amah thlahna thu an sawi. 

Angelina Jolie hian ambassador atanga a ban chungchang hi Instagram lamah a tarlang a, "Kum 20 hnuah vawiin hian UN refugee agency chu ka chhuah san ve ta a ni," tiin a tarlang. "Refugee te hi khawvel mihring zinga ka ngaihpawimawh ber te an ni a, ka dam chhung an tan thawk zel turin ka inpe a ni," tiin a post bawk. Jolie hian UN hi chhuah san dawn mah se chawlh erawh a la tum lo a, organisation kaltlangin refugee te tan hian thawh chhunzawm zel a la tum a ni. 

Angelina Jolie hi kum 2001 atang khan United Nations High Commissioner for Refugees (UNHCR) tan hian a thawk tan a, kum 2012 khan special envoy atan hian ruat a ni - field mission tum 60 chuang a kal pui hman a ni. Ambassador atang hian bag mah se UNHCR hnuiah hian a thawk chhunzawm tho mai thei bawk niin an tarlang a, UNHCR hian ram buai avanga refugee te tan thawk chhunzawm turin an duh niin na tralang. Tun hnai pawh khan indona vanga harsatna tawk mek - Ukraine, Yemen leh Burkina Faso te pawh a tlawh a ni.