ZALEN Dec. 14. 2024; Challianthanga (L) leh Vanrumi (L), South Khawlek, (Lunglei dist.) fate 8, kum 60 leh kum 78 inkar mite chu Pathian malsawmna dawngin an la dam kim vek.

An pa ber Challianthanga hi kum 50 mi niin a boral tawh a, an nu ber Vanrumi pawh kum 55 mi niin a boral tawh bawk. Fa 8 an neih zinga upa ber chu tunah kum 78 mi a ni tawh a, a naupang ber kum 60 mi a ni a, Aizawl, Buarpui leh South Khawlek-ah te an khawsa mek hlawm.

Hetianga Pathian malsawmna dawng a, unau rual tak ni chunga tumah inboral san awm lo a an awm theih nachhan hi Pathian vang chauh a ni tih an hria a, tunkar Thawhlehni, December ni 10 khan Vawk talh meuhin unau inhmuhkhawm an buatsaih a, Pathian hnena lawmthu sawina te an nei a ni.

An unau upat dan in dawt :

 1. Kawlrengpuii (78) w/o H. Thenphunga (L) (Buarpui)

2. Chawngchhuani w/o R Lalbiaksanga (Buarpui)

3. Zoramengi w/o Zoramdinga (S. Khawlek)

4. Kawlthanruma h/o Saihmingthangi (Maubawk)

5. Chalthannguri w/o H Saikunga (S. Khawlek)

6. Vanlalruati w/o Chuauhmingthanga (Salem)

7. Challiankimi w/o C Rothuama (S. Khawlek)

8. C. Hmingliani (60) w/o RK Vanlalliana (Maubawk)