ZALEN January 12: 2026 atana Hnam Run hawnna programme leh mi thar lawmluhna hun chu vawiin khan hman a ni a. He hunah MNF President Zoramthanga chuan, "Pathian-in MNF min hruai dan hi a mak a, underground hun atanga overground hnuah pawh ral vek theihna atangin min chhanchhuak thin," a ti

Zoramthanga chuan Awihawm lo khawpa makin Pathianin a hruai a, a hruai zel dawn a. Manganna hrang hrang kara kum 64 MNF hruai tawhtu Pathian chuan MNF hi kawng laklawhah a kalsan lo ang a ti a, 'Pathian vuan tlat ila, Amah i innghat tlat ang,' tiin kalkhawmte a sawm.

MNF President chuan, "India ram leh Mizoramah pawh Party tam tak an ral tawh laiin MNF chu Mizoramah pawh party ruhrel lian ber kan ni mek a. 'Pathian leh kan ram tan' tia kan din tlatna chu kan felnaah Pathianin a ruat a. In thlaphan dawn apiangin Pathian kan innghahna a ni tih hrereng turin MNF mipuite ka chah duh a ni," a ti.

Zoramthanga chuan, "Pathian leh kan ram tan, kan tih hi thiltihin a zui tur a ni a. Isua-in vana a lawn dawna a thusawi 'kal ula thilsiam zawng zawng hnenah chanchin tha hril rawh u' tih hi MNF-in kan tum ber a ni. Krista chanchin ṭha hril tura Mizoram mipuite buatsaih hi MNF party innghahna leh thil tum pawimawh ber a ni," a ti.