Aizawl: Mizoramin MP?a neih tawh zinga sorkar laipuia Minister awm chhun, Dr. C.Silvera (80) chu nimin tlai dar 6:30 khan an chenna in, Tuikhuahtlangah lung tha lo vangin a thi a, nizan khan lumen a ni a, vawiin chhunah vui a ni ang. A nupui leh fate 3 a kalsan a ni. Dr. Silvera hi 1935 khan Muallianpuiah a lo piang a, a pa chu C.Hlun-thuama a ni a. 1964 kum khan Christian Medical College, Vellore atangin MBBS a zo a, Christian Hospital, Serkawn-ah Medical Superintendent hmasa ber a ni a, 1984-1990 chhung khan Rajya Sabha member niin Mizo zinga Indian Union Council of Minister hmasa ber niin Health & Family Welfare a chang a, 1994 Feb.-ah lakluh a ni a; Minister of State for Industry a ni leh bawk.