Aizawl April 1, 2023: Vawiin khan Raj Bhavan Banquet Hall-ah Union Home Minister Amit Shah chu NGO, Sumdawng leh Cooperative Society hotute chuan hmachhanah an kawm a, an mamawh leh harsatna te an thlen a, ziaka an mamawh thlen an awm bawk.

Pawl aiawh te hian a hran theuhin Union Home Minister kawmna hun an nei a, pawl leh society anga hmutute aiawh te chuan a thil ngaihpawimawh zual te an sawipui a, an ngenna te lehkha in an thehlut bawk. Union Home Minister Amit Shah hian Lai, Mara leh Chakna hnam aiawha hruaitute pawh a kawm bawk a ni.

Muanna Veng Farming Cooperative Society Ltd, NGO Coordination (CYMA, MHIP, MUP, MZP & MSU) Committee leh Mizoram State Level Cooperative Societies Coordination Committee te chuan Union Home Minister hi an hmu hmasa a, Lai, Mara leh Chakma hruaituten te nen an inkawm leh bawk. 

Union Home Minister hnenah hian Mizoram Underground Returnees Association (MURA), Cricket Association of Mizoram (CAM), Aizawl Mosque Committee leh Champhai District Import Export & Transport Union te chuan ziakin an mamawh te an lo thlen tawh bawk.