April 1, 2023: Union Home Minister Amit Shah chuan, Mizoram hmasawnna hnathawhna tur hrang hrang project 6 lungphum a phum a, Rs. Vbc. 315.05 hu project a hawng bawk. "Home ministry, Assam Rifles leh Mizoram sawrkar inkar a MOU angin AR Bn. Hqrs hi kan sawn dawn," Amit Shah chuan a ti.

Vawiin chawhnu dar 1:30 a 'Inauguration of Assam Rifles Battallion Hqrs. Complex Zokhawsang, Laying of Foundation Stone for Laldenga Centre, Lammual and Major Infrastructure Project in Mizoram' AR Lammual a neih-ah Amit Shah chuan project hawnna leh lungphum phumna virtual in a hmang a, thusawiin, Assam Rifles hmun hma chungchang chu chief minister Zormthanga, Mizo mipuite bakah BJP party te pawhin a hnenah an thlen tawh thin tih a sawi. 

AR te awm mekna hmun chu Aizawl khawpui thang zel tur atan hmun pawimawh tak a ni chho dawn tih sawi bawkin, "Chungte vang chuan Home Ministry, Assam Rifles leh Mizoram sawrkar inkar a MOU angin AR Bn, Hqrs hi kan sawn dawn a ni," a ti. 

"Helai hmun hi tangkai takin Aizawl leh Mizoram mipuiten an hmang tangkai dawn a, helai hmun ah hian Laldenga Centre din a ni dawn a, chumi lungphum pawh kan phum nghal," a ti bawk.

Project 11, Rs. vbc 2,500 hu lai nikhat ah lungphum phumna leh hawnna an neih thu leh chu chuan, Mizoram sawrkar leh India sawrkar chu mipui tan a hnathawk, mipui tan a ding an ni tih a tilang chiang hle niin a sawi.

Mizoram hmansawnna atan inkalpawhna project 4 lai lungphum phumna a neih thu te, chungte chu Phaileng - Marpara road siam that te, Aizawl By pass road NH 6 packege 1 leh III , Zorinpui - Longmasu NH sial thar tur te an nih thu tarlang bawkin, chung project 4 belhkhawm chu Rs. Vbc 1,200 chuang a nih thu te a tarlang a. Chung project 4 te chuan Mizoram tan hmasawnna a thlen ngei a beisei thu leh Mizoram leh thenawm ram Myanmar tan pawh hmasawnna thlentu a nih a beisei thu a tarlang bawk

Mizoram state anga a din chu kum 36 a ni tawh tih tarlang bakin, Amit Shah chuan, "Mizoram hi state te ni mahse, hmasawnna chak tak a awm a, chung hmasawnna a thlen theihna tura sawrkar kaihruaitu CM Zoramthanga lawmthu ka hrilh duh a ni," tiin, Mizoram chu kum engemawzat kalta kha chuan tah leh ha thialna hmun a nih thin thu te, bomb thlak a nih thu te a tarlang. "Chung hmun atang chuan Zoramthanga hi chief minister a ni thei a, hei hian mipui rorelna democracy hlutna leh chak zia a tilang chiang a ni," a ti bawk. 

India hmarachhak ah inla hrang pawl, hel pawl tlemte an la awm a, chung zawng zawngte chu mainstream ah lo lut a, India leh hmarchhak tihmasawn turin a ngen a, Mizoram in hun harsa tak a tawh hnu a, tun dinhmun a thleng thei chu khawvel hmuhah pawh entirna chhinchhiah tlak a nih thu a sawi.

Modi kaihhruai sawrkar chu hmarchhak remna leh muanna leh hmasawnna atan a ding a ni tih tarlang bawkin, hmarchhak tan a India sawrkar hmalakna hrang hrangte a tarlang a, Prime minister Modi-an hmarchhak a ngaipawimawh thu te, PM a nih hnuah vawi 53 hmarchhak a tlawh tawh thu te, central minister te pawhin vawi 432 lai hmarchhak an tlawh tawh thu te, PM Devined ah NE budget bik pawh prime minister in za zel a 276 a a tihpun thu te a tarlang bawk.

Amit Shah hian vawiin khan Aizawl a lo thleng a, AR Lammual a hun hman a nih zawh ah Mizoram Larsap nen Raj Bhavan ah inkawmna an nei a, vawiin vek hian Mizoram chhuahsanin Delhi a pan lehnghal dawn a ni. AR Lammual a hun hmanna ah hian Cabinet minister leh Minister of State te bakah sawrkar hotu pawimawh tak tak te an tel a, a chhimtu mipui thahnem tak an tel bawk.

Union Home Minister Project hawn te:

Project                                A hmun              Sum hman/tur
AR Hqrs                               Zokhawsang        Vbc. 163.23
Tuikhua/Recreation centre  Keilungliah          Vbc. 19.99
Lianchhiari Run                    Aizawl                 Vbc. 10
ICCC                                     Aizawl                  Vbc. 119.2
Kudam                                 Bairabi                  Vbc. 2.73

Lungphum phum te:
Laldenga Centre                  Aizawl                   Vbc. 193
Kudam/Comercial Centre    Aizawl                   Vbc. 2.70
Kawng siamthatna              W.Phaileng - Marpara    Vbc. 71
NH - 502A                           Zorinpui - Longmasu    Vbc. 781.85
NH-06 package I                 Sairang - Phaibawk    Vbc. 329.70
NH-06 package III               Sairang - Phaibawk    Vbc. 720.72