Aizawl: Union Minister, Micro Small & Medium Enterprises (MSME) Girirat Singh chuan zan hnih riak turin Zirtawpni khan Aizawl a lo thleng. Minister hian nimin khan Aijal Club ah Special review Meeting of Prime Minister Employment Guarantee Programme a neihpui nghal a, Mizorama PMEGP kalpui dan hrang hrangte chipchiar takin Bank aiawh leh sorkar aiawh hrang hrangte a zawtfiah a. Kum 2013-16 inkarah KVIC, KVIB leh DIC kaltlangin PMEGP mi 1134 in an dawng tawh a ni. Heng bakah hian Mizoram Bank 24 ten PMEGP margin money an pe chhuak a, bank zingah SBI in pe chhuak hnem berin Mizoram Rural Bank in a dawt ni a tarlan a ni. Kum 2016-17 inkarah Mizoram pumah PMEGP diltu mi 3268 awmin mi 511 te hnenah cheng nuai 613 pek chhuah a nih thu tarlan a ni a. Meeting ah hian KVIC Mizoram Khadi Board leh Agriculture, Horticulture, Environment & Forest, Commerce & Industries te leh Bank hrang hranga official te an tel a. Kum 2016 - 2017 chhunga Bank hrang hrang target pek leh an tihhlawhtlin dan leh harsatna awm te Bank mal tinte zawhna leh inhrilhfiahna neih a ni a. Nimin khan Singh hian Hnam Chhantu Handicraft Centre bakah hmun dang te tlawhin hun a hmang bawk.