Aizawl: Union Minister of State Giriraj Singh chuan Mizoramah BJP a Sorkar chuan \halai nuai hnih tan hna kan siam sak ang a ti. Nimin khan Mizorama BJP Office Upper Republic veng-ah Union Minister hian thusawiin, BJP chuan party chauh an ngaihtuah lo nia sawiin, mi zawng zawng hmasawnna kan ngaihtuah a ti a. Prime Minister-in mipuite tan hmasawnna tur a ruahman hrang hrangte chu ti hlawhtling turin theihtawp kan chhuah zel dawn a ni a ti. Giriraj Singh chuan \halai ten eizawnna ngelnghet leh tha an hmuhtheihna turin nasa takin hma anlak thu sawiin, Mizoramah BJP party a sorkar chuan \halai mi 2 tan hna kan siamsak dawn a ni a ti. Kut hnathawktute thlai thar chhuah vawn thatna leh sawngbawlna tur tunah hian Sorkar laipui hmalaknain Manipur-a district tinah khawl leh mamawh hrang hrangte siam mek a ni a ti a, hetiang ang hi Mizoram district tinah dah a nih theih nan hmalak tum a ni a ti bawk. BJP chu sakhaw tihbik nei lo ram hmasawnna ngaituahtu anih thu Union Minister of State Giriraj Singh chuan a sawi.