Manchester United forward Marcus Rashford chuan hun rei tak chhung a darah hliam a tawrh hnuin zirtawpni atang khan full training a zawm leh thei ta. 

Kum 23 mi, England international hi July thlaa Euro final tuma substitute-a a thut bak kha a chawl vang vang a, August thla khan a dar hliam zai a ni. United manager Ole Gunnar Solskjaer chuan, "Vawiin atangin Marcus chuan training pangai a rawn zawm ve leh ta," tiin zirtawpni zan khan a sawi. "Amahah harsatna chhe te chu awm angin la lang rih mahse a dam tha hlein a hriat," a ti. 

Nilaini khan United hian Champions League-ah Villarreal an hneh a, darkar 72 ral hmain match hautak an khelh leh a ngaih vangin damkawr Rashford pawh hi an chhawr a ngai mai thei. Nizan khan Premier League match-ah Everton chu Old Trafford-ah an mikual a, an result erawh kan hre hman lo.