Manchester United chu Championship lam awm ta Middlesbrough-in FA Cup atangin an hnawt chhuak. Old Trafford-a inkhelh ah hian hun pangaiah goal khat ve ve thunin an inhnehtawk vangin penalty shootout hmangin chak zawk zawn a ni a, tum 15 zet an pet hnuah Middlesbrough an chakzawk a ni.

Rawlthar striker Anthony Elanga chuan bar pet khumin an vanduai ta a, hetih lai hian Chris Wilder leh a pawi te bakah entu mipui 9,000 te nen FA cup round of 16 luh an lawm a ni. 

Tum 11 an inhmachhawn tawha Middlesbrough an vawi hnih chak ve na chiah a ni. He inkhelah hian United hian 71% ball changin vawi 30 zet an shhot a, 29% ball chang Middlesbrough hian goal-ah vawi 6 chiah an pet thung.

He inkhelhah hian hun pangai minute 25-naah Jadon Sancho-a goal thun hmangin hma an hruai a, United lam hian game thunun zawk hle mahse goal an thun belh mai thei lo. Chak ngei tum Middlesbrough tan minute 64-ah Matt Crooks-a hmangin inhnehtawkna goal an khung ve leh a,  hun tawp thlengin goal dang a luh belh lo. 

FA cup round of 16 luh ngei tumin United hian an player tha an chhawr nual a, first half-ah Paul Pogba a penalty hlawh chhuah chu Ronaldo-a’n goal-ah a chantir lo zo lo.