Pre-season tour neia Thailand lama feh chhuak mek, Manchester United chuan Ten Hag-a hova an game hmasa berah Liverpool 4-0 zetin an sawp a, he match-ah hian Sancho, Fred, Martial leh Pellistri ten goal an thun. 

Inkhelh tan a ni a, Premier League lama club inel leh iner ve tak an ni bawk a, game a hmuhnawm nghal. Minute thumnaah Liverpool lamin goal shot an nei nghal a, mawi takin De Gea'n a lo dang. Minute 11 lek an khel tihin Jadon Sancho hmangin United lamin goal an khung a, a hnu minute thumna lekah Rashford-a'n a pet goal teuh hle bawk. 

Minute 18 a nihin Diaz chuan tih goal ngei tura ngaih a hlah a, minute khat hnuah Diaz bawk hian post a pet per leh bawk. Darkar chanve an khel tep tihin Man Utd goal hnihna Fred-a'n a thun ve leh a, 2-0 in hma an hruai. An goal thumna chu Anthony Martial hmangin Manchester United hian minute 32-naah an thun leh a, Liverpool lam an che hlei thei lo. United lamin an pet goal leh teuh hle a, minute 36-ah Diogo Dalot an goal li na a thun teuh hle. 

Chawlhlawk an hmang a, Manchester United tana a game khelhna hmasa ber turin minute 47-naah Malacia a lut, minute 61-ah Liverpool tana a vawi khat inlanna turin Nunez a lut ve bawk. Minute 70 a kal mek tihin Nunez hian a pet goal teuh hle a, mahse Heaton-a'n a lo dan sak. 

An goal li na turin United tan Facundo Pellistri chuan minute 75-naah goal a thun ve leh a, Liverpool erawh an zuai chuang lo. Goal thun ngei tumin an bei let a, Salah chuan minute 87-ah post a pet per a, Nunez-a chance tha lutuk a thun lo bawk. Tichuan, goal dang luh belh lovin Premier League lama pahnihna team chu United lakah si li faiin an tlawm a ni.

Line-ups
Man Utd XI: De Gea, Lindelof, Varane, Fred, Shaw, Martial, Bruno Fernandes, Dalot, Rashford, Sancho, McTominay
Subs: Heaton, Alex Telles, Bailly, Van de Beek, Wan-Bissaka, Bishop, T. Malacia, Chong, F. Pellistri, H. Mejbri, Laird, A. Elanga, Alejandro Garnacho, Amad Diallo Traore, Z. Iqbal, C. Savage

Liverpool XI: Henderson, Alisson, Firmino, Joe Gomez, L. Díaz, Fabio Carvalho, N. Phillips, Elliott, T. Morton, L. Chambers, I. Mabaya
Subs: Milner, Adrian, Thiago, Matip, Oxlade-Chamberlain, Salah, Van Dijk, Fabinho, Robertson, Naby Keita, Tsimikas, Alexander-Arnold, Konate, D. Núñez, Van den Berg, Curtis Jones, R. Williams, Leighton Clarkson, H. Davies, T. Hill, J. Norris, F. Mrozek, M. Frauendorf, Bobby Clark, Stefan Bajcetic