MSU buatsaih UPSC Challenge Inter College Quiz Competition 2022 chu August 25 zan atang khan Ignite Studio Khatla-ah neih a ni a, he intihsiaknaah hian Mizoram chhunga District 10 atangin College 22 an tel.

First Round intihsiak hi August 25-30 chhung khan neih niin, point hmu sang team 16 ten September 1-6 2022 chhung khan Second Round (Round of 16) intihsiakna an neih chhunzawm leh nghal a, point hmu sang team 8 ten Quarter Final an lut ta a ni. 

Quarter Final hi September 8 & 9 zan dar 8 ah Ignite Studio Khatlaah neih chhunzawm tur a ni dawn a, College 22 atanga College 8 la damte hian intihsiakna an neih leh hnuah point hmusang College 4 ten Semi Final an lut dawn a ni. 

Semi Final hi ni September 12 Thawhtanni zanah neih tur niin, Final hi September 14 Nilaini zanah neih tur a ni dawn a ni. ZONET BAWHBEL, LPS 10 leh Ignite Studio YouTube channel atangin LIVE a pekchhuah thin a ni.

MSU chuan Mizote Central Civil Service ah kan tlin theih mai tak loh avangin thalaite, competitive lama luh tumte zingah UPSC syllabus kalhmangte inhrilhhriatna (awareness) neih ngai niin a hria a, chumi avang chuan kum 2019 atang khan UPSC Challenge Quiz hi a buatsaih a ni. He Quiz ah hian zawhna siamna atan UPSC Syllabus hman thin a ni bawk.