ZALEN August 24, 2025: Mizo Zirlai Pawl chuan UPSC Coaching, New Delhi-a kal tûrin Remruatfela s/o Zolawma leh Obadia Zorinpuia s/o Lalchhuanmawia te an thlang.

MZP chuan Mizo thalaite UPSC Combined competitive exam-ah a tam thei ang ber an tlin theih nan hma a la thin a, chumi hmalâkna kal zêlah chuan MZP chuan hun hmasa lamah UPSC Coaching, New Delhi-a kal tur hian mi pahnih a lo sponsor tawh a ni. 

North East Students’ Organisation (NESO) chuan North East States-ah UPSC tling an tlêm tual tual avângin kumin 2025 hian North East State tin atangin mi pahnih a sponsor dâwn a, MZP leh NESO tangkawp chuan Mizoram atanga sponsor tûr hi written examination leh personal interview hmangin a thlang a, heng mi pahnih te hi an coaching kalna tur zawng zawng hi NESO leh MZP chuan a tumsak dâwn bakah an awmna tur a ngaihtuahsak dâwn a, thlatin stipend an dawng dâwn bawk a ni. Coaching kal turte hi Next IAS Institute, New Delhi-ah an kal dawn a ni.