ZALEN, September 12, 2025: UPSC exam hrang hranga Mizo thalai tam zawk an tlin theih nana sorkar hma lakna pakhat, HSLC-a zirlai titha zualte exam hmachhawn tura chherna tur, UPSC Grooming Scheme Entrance Examination vawi khatna chu Zirtawpni khan buatsaih a ni a, zirlai 165 an inlan.

UPSC Grooming Scheme Entrance Examination vawi khatna hi Mizoram Board of School Education (MBSE) Conference Hall, Aizawlah MBSE-in a buatsaih a ni a. Exam hmachhawntute hi HSLC 2025 exam-a full mark 500-a 405 hmu chinte an ni.

Exam paltlang mi 50 chu personal interview tura koh an ni ang a, heta titha zual mi thlanchhuahte chu higher secondary school an kai chhung zawng coaching centre thlan bikin zirtirna leh kaihhruaina an pe dawn a ni.