Zaithiam Sawmtea Chhangte chu khawvela ramropui ber leh mi tam tak hmuh chak US-ah a thang mek a, kum 10 atan VISA hmuin hun eng emaw chen chu a awm rih dawn. 

Mizo Society of America chuan Sawmtea Chhangte hi Chapchar Kut hmanpui turin an sawm a, May 19, 2023 Zirtawpni khan US hi a thleng a ni. Mizo Society of America hian kum khat danah Chapchar Kut an hmang thin a, he huna zai tur hian Sawmtea hi an sawm a ni. 

Chapchar Kut hi Indianapolis-ah ropuitakin an hmang dawn a, ni hnih chhung a awh dawn a ni. State hrang hrang atanga Mizo kalkhawm ten Mizo hnam lam chi hrang hrang an entir dawn bawk a ni

Sawmtea hian Chapchar Kut a hmanpui zawh hian State hrang hrangah programme a nei zui dawn a, rawngbawlin hun engemaw chen chu a awm rih dawn niin ZALEN chuan thu kan dawng.