ZALEN May 11, 2026 : Uttarakhand-a Beauty Queen Salon & Spa-a Mizo hmeichhe 5 inzawrh luihtirtute chu hriat an ni tawh.

He thila mawhphurtu bera ngaih chu Lalnunsiami (30), Kolasib New Diakkawn leh pasal anga a neih Mohmmad (31), Spa neitupa te an ni a, mi dang 4 nen Rudrapur Police Station-ah thubuai ziah luh a ni a, hren mek an ni.

Police-ten hmeichhe 5 an chhan chhuahte chu May 9 khan Aizawl rawn thlenpui tawh niin,Women and Child Development department enkawlna hnuaiah an awm rih.

Mizoram Police chuan thil tisualtute hi court kaltlangin Mizorama lak chhoh dan an ngaihtuah dawn tih kan thulakna chuan a tarlang.

Tarlan tawh angin an thudawn bawh zuiin Mizoram Police team leh Women and Child Development Department hnuaia thawktute chuan May ni 5, 2026 khan Rudrapur Police-te nen Mizo hmeichhiate thawhna hmun Beauty Salon & Spa hi luhchhuah a ni a. Mizo hmeichhia panga chhanchhuah an ni a, he thila in hnamhnawih mi paruk an man bawk a ni.