Aizawl: Mizoram State Commission for Women chairperson Vanlalawmpuii Chawngthu chuan, "Mizote hi hnam angin vai thuhnuaia awm kumkhua turin Pathian hian min siam hi ka ring lova,  engtik ni-ah emaw chuan Zofate hi rorelna pakhat hnuaiah kan la awm ngei ka beisei a ni," a ti. Art & Culture Department leh N.  Vanlaiphai Joint YMA ten Zirtawpni kaltaa Cultural Meet 2016 an huaihawtah he thu hi sawiin Vanlalawmpuii Chawngthu chuan Mizo hnam lam leh incheina hi a bo chuan Mizo hnam hi a boral dawn a, kan hnam zia kan vawnhimna tura pawimawh em em chu kan hnam pui Mizo ngei nupui pasala kan neih hi a ni, a ti a. Mizo nulate tan hnamdang tlangval millionaire pasala neih ai chuan Mizo tlangval inhlawhfa chawp pawh nei ila a letin a hlu zawk a ni, a ti bawk.