ZALEN Oct. 31, 2024; Zing khawvar hma atangin hnamdang (vai) muṭia te an che chhuak thin a, zingkar ringawtah pawh sum an thawk chhuak tam hman viau thin.

ZALEN in a biak Aizawl a vai muṭia thenkhatte chuan, hnathawh tur zawngin zing khawvar hma atangin an che chhuak thin tih an sawi a, hnathawh tur hmuh that chang leh hmuh that vak loh chang an nei thin niin an sawi.

Aizawl a vai muṭia awm zat hi mumal taka chhinchhiah theih a ni lo a, an tam thawkhat tura ngaih a ni.

Muṭia hnathawk hi Mizo pawh engemawzah an awm a, hetihlai hian vai muṭia hian an tam hneh tawh avangin muṭia hna hi Mizo tan luhchilh zel pawh a har niin ZALEN thudawnna pakhat chuan a sawi.

Vai muṭia te hian zing hma tak tak atangin hna an zawng a, an thawk a, an taimakna chu thuhran nise, mamawhna in a ur thlukte an ni ve bawk.

Muṭia hna hi hna hahthlak leh taima taka thawh ngai a ni. Sum pawh a tam niin a lang a, Mizoten kan luh chilh ve zel dawn nge, kan tualzalah ngei hnamdangte thawhah kan dah mai dawn...?