ZALEN September 18, 2025: Ramri kana ruihlo rawn kal an vennaah Assam Rifles chuan an thudawn bawhzuiin Zote, Champhai district-ah September 17, 2025 khan Methamphetamine tablet Kg 34.218 chu an man a, an thil man hi cheng vaibelchhe 102.654 man hu nia chhut a ni.

Operation an neih lai hian mi pakhat thil ken chu an ringhlel a, man tuma chet an lak laiin he pa hi a thil ken hi a tlanchhiatsan a, a bul ramhnuai chhengchhe takah ah chuan a tlanlut nghal a ni.

A thil tlanchhiat san hi enchian a nih hnuah Methamphetamine tablet Kg 34.218 a rit, cheng vaibelchhe 102.654 mana chhut hi an man ta a ni. Heng an thil man te hi Excise and Narcotics, Champhai te kutah an hlan a ni.