ZALEN May 19, 2026: Mizoram Police te chuan nimin tlai khan Manipur atanga Aizawl rawn pan Nexon car var ML-05-V-3282 atangin Keifang dai-ah dan phal loha tawlhruk Methamphetamine cheng 19,21,28,000/- man a chhut chu an man, hemi kaihhnawiah hian mi pahnih an man.

Thu dawn bawhzuina atanga he lirthei hi Police te hian an lo chang a, rinhlelh ang ngeiin methamphetamine bundle 20, mum 2,02,000, Kg 24.014 a rit chu an man a, an thil man hi cheng 19,21,28,000 man hu a chhut a ni.

Heng an thil man te hi an lirthei hnunglam, a spare tyre dahna hnuai lamah leh a mud guard sirah te dah a ni a, polythene dum a tuam a ni.

He thilah hian a kawltu Th Onkhothang Haokip (33) S/o Th Ngamkholet Haokip, Moreh, Tehsil, Moreh, District Chandel, manipur leh Mathew (46) S/o Ngamkhojang, Jolzam, Churachandpur, Manipur te bakah an thil man leh lirthei te hi hren nghal a ni.