Aizawl: World No Tobacco Day 12th June khan nileng awhin ISTH(M) leh MSTCS te chuan CM Banglow Auditorium ah an hnathawh enletin hmachhawp an sawiho bawk.Dr Lalbiakkima, Director H&ME chuan seminar te chu a kaihruaia,zan lamah zanriah kil ho a ni bawk. World Health Organisation (WHO) in WNTD 2015 Regional Directors' Aawrd- vaihlo doa ti tha chawimawina ISTH(M) leh MSTCS a pek te chu phochhuah niin a chanchin zir a ni bawk. He hunah hian zirbingna 10 mithiamte'n an neih chu kalkhawmte zirtirna pek a ni a; tuibur, Zozial, media puihna leh a thiltih theihna leh vaihlo sim zuk tirh leh zuk tawp te chu langsar zual te an ni. ISTH (M) leh MSTCS te tangkawpin thawhpui an neihte chu he hunah hian sawm an ni a. Lalriliani, ISTH(M) Chiarman chuan thusawiin vaihlo do kum 30 dawn an neih tirh leh tun dinhmun chu a inthlau a, hmasawnna beisei aia sang a awm avangin lawmthu a sawi bawk a, “Mihring hrisel chenna chu ram hrisel a ni a, thawhchhuah an nghaha, an dam rei zawk bawk a ni,” a ti a, zirlai pawl, media, hmeichhe pawl leh thahnem ngaihna vanga hmasawn an nih thu a sawi bawk. Dr. Jane Ralte, Nodal Officer chuan UN in kum 5 dana vaihlo a survey hnuhnung ah Mizoram chu a sang ber a, kumin hian a thar tihchuah turah hmasawnna chhinchhiah tlak a awm a beisei thu kalkhawm te a hrilh a ni.