DOWNLOAD OUR APP

Read latest news on your phone
app-store
Vaihlo leh Mizote Rilru
Aug 13, 2016
- Lalchhandama Colney Vaihlo hman chungchangah hian kan rei ve tawh hle a, kan pipute pawh khan nasa takin an lo hmang ve tawh thin tih an chanchin atangte kan hriat theih ka beisei. Ram changkang zawk entirnan,sapram kan tih angah te pawh hman lai chuan an uar ve hle tih kan hre thei bawk ang. Vaihlo han tih hian a zuk chi (Meizial/Cigarette), a hmuam chi (Sahdah/Khaini) etc leh Mizoin tuibur kan tih te pawh hi a huam vek a ni. Kan hre theuh ang a, tun hma chuan vaihlo hi khawvelin a that lohna leh pawina em em a la hre ngai lo va, tun hnuah erawh mi thiam rual chi hrang hrangten research an beihnaah a that lohzia chiang takin an lo hre chhuak ta a ni. Ram hrang hrangah he thil chin tha lo tak mai hi tihbo tuma hma la mek zel a ni a, keini India leh Mizoramah ngei pawh nasa taka hma la mek zel a ni. Vaihlo hlauhawmzia han sawi dawn ta ila, No. 1-ah chuan Cancer natna min thlen theitu a ni. Cancer chu kan hria ang a, AIDS tih lohah chuan natna khirh khan ber pawl a ni. Kan vei tawh chuan a tha berah cheng nuaih tam tak sen a ngai a ni. Hriat chhuah har phei chuan chuti hlauh chu a ni. Vaihlo khu leh a chi dangte hian kan taksa tana hlauh awm tak tak cancer thlentu ni kher lo pawh hi a pai tel teuh a ni. Khuh benvawn kan tih mai maite pawh hi buaithlak deuh a nia; tin, a langsar leh zingah chuan pumpui lawng kan tih te pawh hi pawi thei deuh a nia. Kan lan dan (Complexion) pawh hi a tidanglam thei a ni, mi a tithim chual thei a ni. Mi thiamte sawi dan chuan meizial tlawn khat zel hian kan nunna 8 mins. zelin a titawi thei a ni, an ti. A hmuam chihote pawh hian a hmuam ve ngai lote aiin 25% lain an nunna a tawi thei zawk a ni, an ti bawk. Mizote chu Kristian vek kan ni a,inkhawm ziah thin,Pathian thu te pawh sawi sawi mai thin kan ni. Kan thlarau chante pawh a sang thei hle a, Bible pawh kan hre hle bawk a ni. Sual kan do a, thahnemngai takin kan tawngtai thin a, a chhante pawh min chhang thin ngei e. Ringtu hmasate zingah phei kha chuan lengzem hla ringawtte pawh kha an duh lo hle, zu in te phei kha chu kohhranin an phuar thin a ni. A ni tak a, ringtute chu fel kawngah kan sang hle tur a ni, Pharisaite felna kha kan khum ve ngei ngei a ngai. Pathian a thianghlim ang in keini pawh thianghlim ve turin min phut a ni. Kan rawngbawlna kawngah pawh hian a sawi a sawi aiin nunpui hi a tha zawk ngei ang. Hnam dang, Vai kan tihhote hian engtin nge min hmuh ang aw, kan meizu lai, sahdah/khaini, tuibur hmuam lai te hi min hmu ngun si a, Kristiante tan chuan a tih chi nge tih chi loh aw? Kan rilruah hian eng ang chiahin nge a lan thin i’n lo thlirho dawn teh ang. Kan pipute kha chuan an hnathawhnaah te an zu thin a, thosi leh eng eng emaw rannung laka inven nan; tin, tuibur pawh kha vangvat tihtlak nan te leh thian kawm nan te an hmang bawk. Vaibel kha an hmang deuh ber a, tunlai angin lehkhapuan an la nei ve lo va, mipa tawh phawt chuan an zu deuh vek a ni. Hmeichhiain tuibur an zu thin bawk a, a bik takin tar lam deuhin an zu vek tih theih a ni. Tun hnuah pawh hian mipa tawh phawt chuan meizial/cigarette, kan zu deuh vek a, zu ve ngai lo chu, naupang, pa lo, rualpawl vak lote kan ti thin. Hmeichheho pawh hian sahdah/khaini,an hmuam deuh vek bawk, hre ngai lo tan chuan compulsory a ni ang a, tih mai tur a ni. Engpawh nise, Mizote zingah hian vaihlo hi a mikhual lo hle a, a that lohzia hre reng mah ila kan rilru leh ngaihtuahnaah hian hnualsuatna tak tak a la awm hlei thei lo, kan la kawmngeih hle zel zawk a ni. A percentage-a chhutin Mizoram chu khawvela vaihlo hmang nasa ber ram kan ni. Chuvang chuan cancer natna vei leh thihpui pawh kan tam berin khawvel leh India ramah kan sang filawr hle. Vaihlo hnathawh dan hi vawi leh khat a lang nghal phut phut mai chi a ni lo va, zawi muangin kan taksaah bu a khuar a, a lo rei deuh hnuah chuan natna chi hrang hrang min thlen ta mai thin a ni. Mizote hi hmanhmawh chi deuh kan ni a, a lan nghal mai loh chuan pawi tak tak mai turah kan ngai mai thei lo; mahse, min suattu leh buaina tam tak min thlen thintu a ni reng si. Awle,vawiinah thu ziak, campaign, etc vaihlo that lohzia chungchang thu kan hmuin kan hre hlawm thin ngei ang, heng te hi kan ngaihtuah ngun a kan thinlung phek a kan ziah a hun ta hle mai. Kan han sawi leh ta nual mai, he thil hi thil na mai ni lo a ni a, nunna leh thihna hial khawih phak a ni. A ti tawh lak lawh tan chuan sim mai a harsa em em a, tawngtai leh tih tak zet a beih a ngai a ni. Mahnia kan tihlawhtling thei lo a nih chuan Civil Hospital-ah leh district hospital tinah te tanpuitu tur a thlawnin a pan theih reng a ni. Engpawh nise, Mizoten vaihlo kan hmuh dan hi thlak hret hret a, a hnualsuat zawnga moral reform kan neih, tul hlein ka hria.
MSSSB thiah leh thiah loh
Mizoram Subordinate Services Selection Board thiah tum hi eng nge i ngaihdan?
Thiah tha ka ti
Thiah kher tul ka ti lo
Ka hrethiam lo

Latest News & Chhiar Hlawh