ZALEN September 28, 2024 : Nizan (27.09.2024) Dar 9:00 PM vel khan Vairengte Police leh CID (SB) Vairengte team-te chuan Vairengte Police check gate, Kawngthar vengah beihpui thlakin lirthei pahnih (Auto Rickshaws) atangin methamphetamine ni ngeia hriat KG 35 (Packet 17/ mum 170000 & Packet 18/ mum 180000) an man.

Heng methamphetamine te hi Auto Rickshaw B/R No. MZ-05A/8955 khalhtu Lalhmangaihzuala (40) s/o Zova, Vengthar, Vairengte nia inchhal kut atang leh methamphetamine ni ngeia hriat atangin Packet 17/ mum 170000 hi an man a, Kg 18 (Packet 18/ mum 180000) chu Auto Rickshaw B/R no. MZ-05B/1904 khalhtu Lalfakzuala (24) s/o Vanlaltlana, Vengthar, Vairengte nia inchhalte kut atangin an man bawk.

Ruihhlo man hi a vaiin Kg 35 a rit, Cheng 445,00,000 man hu niin, Vairengte PS Case No.44/2024 Dated 27.09.2024 u/s 22(c)/25/29 ND&PS Act ziah luh niin ngawrh taka a kaihhnawih awmte chhui zui mek a ni.