Aizawl: Nimin zing khan Dr Lalmalsawma President MPYCC, Zonunsangi Fanai Councillor AMC Ward No. 13, PWD SE Highway Ruata Sailo, Vaivakawn Local Council, YMA, MHIP leh Congress Block leh Unit hruaituten Vaivakawn thlanmual min venna tur leh lungrem chhoh a, nakin zela thlanmual kawng siam leh dan tur an enho. Thlanmual ennaah hian MPYCC President Dr. Lalmalsawma chuan Chief Minister Lal Thanhawla leh PWD Minister Lal Thanzara ten khawtlang mipui mamawhna hria a hetia hna tan thei tura ruahmanna an siam chu lawmawm a tih thu a sawi a, khawtlang hruaitute nen Chief Minister an hmuha Chief Minister-in a lo ngaih pawimawhzia leh PWD Minister leh Officials ten khawtlang tanrual zia an hriat vanga an ngaih pawimawh zualzia thu a sawi bawk. Councillor Zonunsangi pawhin hna tan anih theih dawn vangin lawmawm a tih thu a sawi a. Highway SE Ruata Sailo pawhin hna hi an ngaih pawimawh thu sawi in, a hna enkawltute pawh he hna hi a tha thei ang bera enkawl turin a fuih bawk a ni.