November 22, 2023; Vaivakawn tlangval, Nahum Lalthlamuana Chhangte S/o Hmingthanthuama Chhangte chuan US Marine ni turin thla sawm chhung training a zo.

Amah hi Capitol Technology University, Maryland, USA a college kum hnih kal tawh a ni a, Marine ah hian ama subject Information and Technology lam ah a thawk dawn a ni.

Nahuma hi lehkha thiam thei tak, College ah pawh topper ni char char a ni a, mark 98% te, 100% te a hmu thin. Marine an training chhung pawh hian Education ah 100% marks a hmu char char a ni.

Tun ah hian North Carolina ah weapon lam thla khat training a bei leh mek a, hemi zawh ah IT lam thla khat tho New York-ah a training leh ang a, chu mi zawh ah New Jersey ah a post ang.

Amaherawhchu, College hi kum hnih a la hmabak a, a college kal chhung hi chu part time in a thawk rih ang a, a college zawh hunah US Marine ah full time in a lut ang a, Officer tura buatsaih chhoh a ni ang. US Marine hi khawvela sipai tha bera ngaih an ni.

Nahuma nu hi Mizo zaithiam zing a folk song sa thin hriathlawh tak, F. Lalthangmawii a ni.