Aizawl: Information & Communication Technology (ICT) bultuma neih tur Digi Dhan Mela chu February 14-15 2017 hian Millenium Centre Rooftop ah tan a ni dawn. Zalen thudawn danin ni hnih chhung awh tur Digi Dhan Mela (Digital Payment Fair) ah hian pawisa note hmang lova bazar theihna tura tangkai chi hrang hrang Bank Account, Digital Wallet, PAN Card leh Aadhaar Card te chu siam tir theih a ni ang. Heng bakah hian mobile phone hmanga awlsam taka thil lei dan leh hralh dan te inzirtirna neih a ni dawn a, Digi Dhan Mela chhung hian Digital Payment hmanga Millenium Centre chhunga thil lei apiang chu 50% Discount pek an ni zel dawn niin Zalen chuan thu a dawng bawk a. Mela chhung hian stall hrang hrang hawn a ni dawn a ni.