ZALEN March 9, 2026: Commerce & Industries Minister F Rodingliana chuan vawiin khan Chapchar Kut 2026 lawmna puala ‘Handloom, Textiles, Handicrafts Exhibition, Food Processing & Food Court’ chu AR chhuahsan ram, Vanapa Hawl ep (opposite) -a buatsaih chu a hawng.

Chief Minister Chairman-na hnuaia din Chapchar Kut, 2026 Organizing Committee rawtna angin Kum 2026, Chapchar Kut lawmna atan Commerce & Industries Department chuan he exhibition hi a buatsaih a, ni nga chhung (March 9-13) chhung awh tur niin he exhibition-ah hian a hnuai ami ang hian stall hawn a ni.

1. Handloom & Textiles- 68 stalls

2. Handicrafts - 15 stalls

3. Food Processing - 12 stalls

4. Food Court - 35 stalls

Heng bakah hian PM Viswakarma scheme hnuaia thil siam chhuah pho nan stall-1 leh Shakti Sadan tan stall-1 a awm bawk.

Handloom Exhibition bik atan hian Development Commissioner (Handloom), Ministry of Textiles, Govt. of India atangin Handloom Marketing Assistance hnuaiah sum hmuh niin, Food Processing-ho tan erawh MFME hnuaiah stall sak sak an ni.

Nikum 2025 Chapachar Kut Handloom Exhibition-ah khan cheng nuai128.00 lai hralh chhuah a ni.