Territorial Salvation Army Youth Council (TSAYC) buatsaihin India Eastern Territory huam chhunga SAY member te tan zai intihsiakna Voice of Salvationist chu vawiin atangin first round tan a ni dawn ta. First round-ah hian Division hrang hrang atanga audition paltlang mi 107 an inlan dawn a ni. 

First Round hi chawhnu dar 2.00pm ah tan a ni dawn a, zan dar 8.00pm ah chhunzawm a ni ang. First Round intihsiak hi August 9 & 10, 2023 ah neih a ni dawn a, intihsiakna hmun tur hi Woodland Hills, Zonuam a ni. First Round atang hian music instrument a hman nghal theih dawn a ni. 

First Round atang hian top 30 thlan chhuah a ni dawn a, chuta tang chuan top 10 thlan chhuah leh a ni ang. Top 10 te August 19 zanah an intihsiak ang a, August 22 zanah top 5 ten Dawrpui Multipurpose Center-ah Grand Finale an nei ang. Grand Finale an nei ang. August 25 zanah result puan, lawmman sem leh show ropui tak neih a ni ang. 

Voice of Salvationist-a pakhatna hian Rs. 50,000 a dawng dawn a, 
Pahnihna leh Pathumna ten Rs. 30,000 leh Rs. 20,000 an dawng bawk ang.