Aizawl March 20, 2023 : Vawiina  Mizo Hnam Runah chhung inkhawmna neih a ni a, Aizawl East -II huam chhung Chhinga Veng atangin Zonu ZPM Unit Chhinga Veng Vice President Zoramnghaki, Mahila Unit Chhinga Veng President, Chhingpuii leh Chhinga Veng Mahila Secretary Lalrinsangi te chu Sport minister Robert Romawia Royte MNF-ah a lawmlut. East II bialtu chuan vawikhat ngaihdam dilin nghawng a ngah a ti.

Robert Romawia Royte chuan, "MNF hi Pathian-in mizo hnam te min suihkhawmna atan a din, tun hma leh vawiin thleng hian a nep ngailo a, tunhma chuan Mizo tlangval MNF-a awm lo kha chu thil zahthlak a ni zawk mah a ni. Hun lo kal zelin tunah phei chuan inthlannaah thuneihna neiin Pathian malsawmna tawngbaw thei khawpin kan hotute an taima a, an thawhrimna te kan zah a ni," a ti.

Robert Romawia-a chuan, Opposition party Congress leh ZPM party chungchang sawiin, thatloh theihlohna bawm te sawi vul mah se, a reh daih a, an halral leh tawh em ni? a ti a. Pension scheme chungchang an rawn sawi ve pawh sawi zui chi ah an ngai lo, a ti. 

Sport Minister chuan, "Assembly session kan zo chiah a ni a, thudik hrulah Phullem phah chungchang nen lam min bei a, Robert-a an bei emaw MNF bei emaw an ti a, an beih zawk chu thalai, sport infrastructure mamawh tak taka tuihal ho te kha an beih a ni zawk a ni a, rilru na tak tak message min rawn thawntu an awm teuh a ni," a ti. Robert Romawia chuan, "Kei chu min bei rawh u, sport erawh chu bei suh u, ka tih ang kha, sport in sawisel hian sport lam a tui mite rilru a na thin a ni, " a ti.

Robert Romawi chuan induhsakna bik a awm lo tih sawiin, "CM in a duhsak bik tih hi a ri ring leh thin a, project reng reng chu khulam rel a ni a, min petu chu central a ni a, CM hian min duhsak vek a, portfolio kan chan dan atang hian chhut ila Pu RRR-a hi a duhsak bik em, tih lo zirchiang ula,Annual Plan leh NABARD-ah hian CM hian ka dept.hi min duhsak em tih te lo chhut ula, kan CM hian min duhsak bik loh zia in hre thei mai in ka ring, min duhsak vek a ni," a ti.