Aizawl: Kumin chhungin Mizoram ah vawk pul hrileng hriat tur a la awm lo a, hei hi AH&Vety department inbuatsaih that vang leh khua in a zir vang nia thudawn a ni. AH&Vety department thawktute hnen atanga Zalen thudawn danin vawk pul hri chikhat ‘swine fever’ chuan Mizoram a chenchilh reng a, mahse he hri a lo len palh thuta hmala nghal turin department lam chu an inring reng a. Mahse kuminah chuan swine fever bakah PRRS pawh a leng lo niin an sawi. Tunhnaia Lawng-tlai DC in PRRS leh swine flu a len avanga thenawm Myanmar leh Bangladesh atanga ran lakluh khapna a siam chu thil hriatsual palh niin an sawi a. China ramah Avian flu a leng a, chu chu hresual palhin fimkhur thuhla ah hetiang khapna hi a siam ta nia an hriat thu Zalen an hrilh bawk.